Crown Lodge

Mae Crown Lodge yn cynnig llety hunanarlwyo, ac mae lle yma ar gyfer hyd at bedwar ar bymtheg o bobl. Mae yma wyth ystafell ddwbl gyda dau wely, a thair ystafell sengl. Ceir cyfleusterau en-suite ym mhob ystafell. Mae tair ystafell wely ar y llawr daear ac maent yn ddelfrydol ar gyfer pobl ag anableddau (dylid nodi, fodd bynnag, fod Harlech yn ardal fryniog a bod gallt serth at Crown Lodge).

Mae Crown Lodge yn cael ei ddefnyddio’n aml gan grwpiau addysgol, ac mae felly’n darparu llety plaen a syml gyda digonedd o le parcio a gardd fechan. Cynigir llety glân a sylfaenol ac mae’r pris rhesymol yn adlewyrchu hyn.

cartref	llety	lleoliad	cysylltu	bwcio	cynhadledd	cysylltau	saesneg

	Mae Crown Lodge, Harlech, Eryri yn ddelfrydol ar gyfer grwpiau mawr a theuluoedd, ac ar gyfer cynnal aduniadau. Mae wedi’i leoli ym Mharc Cenedlaethol Eryri, ac mae rhai o’r ystafelloedd yn edrych allan dros Fae Tremadog. Mae’n lleoliad delfrydol ar gyfer unrhyw un sy’n mwynhau bod allan yn yr awyr agored. Mae traeth tywodlyd Harlech yn ymestyn am filltiroedd ac yn ddiogel ar gyfer ymdrochi. Mae cwrs golff Royal St David’s gerllaw. Mae tref Harlech o fewn pellter cerdded hwylus ac mae yma nifer o dafarndai, caffis a siopau bach. Gellir prynu bwyd yn y siop Spar leol neu yn Tesco a Lidl ym Mhorthmadog (10 milltir i ffwrdd), neu yn y Co-op yn Abermo (10 milltir i ffwrdd).


	Mae’r gegin yn cynnwys popty, oergell, rhewgell, microdon, peiriant golchi, peiriant sychu dillad a pheiriant golchi llestri. Mae yma lolfa fawr lle ceir teledu, dvd a fideo. Mae ffôn talu ar gael.
	I holi am drefnu lle neu i gael gwybodaeth bellach, ewch i’r dudalen gysylltu: : cystyllu