coleg harlech WEA (N)
Datganiad Mynediad ar gyfer Crown Lodge

• Adeilad mawr deulawr ar ei dir ei hun yw Crown Lodge sy’n edrych dros dref Harlech.  Mae’r lôn i fyny at y ty wedi’i goleuo’n dda, ond mae’n weddol anwastad, a gall achosi peth anhawster i bobl gyda nam ar eu golwg neu bobl sy’n cael trafferth symud.  Mae maes parcio mawr ar gael.  Mae Crown Lodge tua ¾ milltir o Orsaf Harlech, i fyny gallt serth.  Mae gwasanaeth bysiau cyfyngedig yn mynd heibio’r adeilad.  Mae Crown Lodge o fewn pellter cerdded i siopau Harlech, ar hyd ffyrdd cul.
• Mae mynediad i gadeiriau olwyn yng nghefn Crown Lodge, ac mae ystafell en-suite sy’n addas i gadair olwyn ar y llawr daear.  Ceir llofftydd eraill ar y llawr daear ond nid ydynt yn addas i gadair olwyn.  Nid oes lifft yn yr adeilad, ac mae’n rhaid dringo’r grisiau i fynd i fyny i’r ail lawr.  Mae Crown Lodge yn adeilad helaeth, ac mae’r ystafelloedd cyhoeddus yn fawr a golau.
• Ceir toiled i’r anabl a ffôn cyhoeddus ar y llawr daear.
• Mae derbyniad da ar gyfer ffonau symudol yn yr ardal.
• Mae croeso i gwn cymorth, ac er nad oes lle i’w hymarfer yn y gerddi, mae digonedd o le ar gyfer hyn yn yr ardal o gwmpas.
• Mae dolen glywed gludadwy ar gael, ond bydd angen rhoi gwybod i ni ymlaen llaw gan y bydd angen ei gosod.
• Mae larwm gobennydd dirgrynol ar gael i roi rhybudd os bydd y larwm tân yn canu yn ystod y nos.
• I’r rhai hynny nad ydynt yn cymryd y dewis hunanarlwyo, gallwn gwrdd ag ystod eang o anghenion dietegol.
• Mae staff Coleg Harlech wedi ymrwymo i ddarparu’r gwasanaeth gorau posibl i’n holl fyfyrwyr ac ymwelwyr, ac maent yn barod i helpu mewn unrhyw ffordd y gallant. 
• Mae staff Coleg Harlech wedi ymrwymo i ddarparu’r gwasanaeth gorau posibl i’n holl fyfyrwyr ac ymwelwyr, ac maent yn barod i helpu mewn unrhyw ffordd y gallant.
  Cofiwch ddweud os oes angen cymorth arnoch.

Gall y datganiad hwn, a llenyddiaeth arall, gael ei ddarparu mewn fformat mawr, ac mae ar gael drwy’r post, drwy ffacs ac yn electronig.